Կանադացի գիտնականները երեխայի հասակի մարդանման ռոբոտ են ստեղծել և նրան ավտոստոպով Հյուսիսային Ամերիկա ճանապարհորդության ուղարկել, գրում է The Independent-ը:
Իր ճանապարհորդությունը hitchBOT-ը սկսել է Կանադայի արևելյան Նոր Շոտլանդիա նահանգի Գալիֆաքս քաղաքից: Վերջնակետը արևմուտքում գտնվող Վիկտորիա քաղաքն է: Թե որքան արագ ռոբոտին կհաջողվի հաղթահարել 6 հազար կիլոմետրը՝ կախված է վարորդներից, ովքեր կորոշեն վերցնել նրան, և այն բանից, թե ինչ երթուղի կընտրեն նրանք:
hitchBOT-ին շարժվել օգնում է ճանապարհին հանդիպած անծանոթների բարությունը, մարդկային խոսքը հասկանալու ունակությունը և, իհարկե, սեփական գրավչությունը:
Ռոբոտի ճանապարհորդության մասին լուսանկարները կհրապարակվեն Twitter-ի և Facebook-ի նրա էջերում: