Վրաստանի նախկին նախագահ Միխեիլ Սաակաշվիլին հարցաքննության չի ներկայանա Վրաստանի գլխավոր դատախազություն: Այս մասին, ըստ Trend գործակալության, հայտարարել է նախկին նախագահի փաստաբան Օտար Կախիձեն:
Նա ընդգծել է, որ Սաակաշվիլիին մտադիր են պատասխանատվության ենթարկել, և որպես վկա կանչելը նրան Վրաստան բերելու փորձ է: «Թող մեղադրանքներ առաջադրեն, իսկ հետո դիտարկեն ցուցմունքներ տալու հարցը»,- նշել է փաստաբանը:
Նշենք, որ այսօր՝ տեղական ժամանակով ժամը 11:00-ին, Սաակաշվիլին որպես վկա հարցաքննության է կանչվել: Թե կոնկրետ որ գործով է Սաակաշվիլին հարցաքննության կանչվել՝ դատախազությունը չի հստակեցնում:
Հարցաքննության փոխարեն նախկին նախագահը մտադիր է ժամը 12:00-ին Թբիլիսիի իր գրադարանում տեսակոնֆերանսի մասնակցել:
