«Սասունցի Դավիթ» կայարանի հարևանությամբ գտնվող շուկայում վաճառողները հիմնականում տարեցներ են: 60 տարեկան մի կին «Առաջին լրատվական»-ի հետ զրույցում ասաց, որ ազատամարտիկի կին է, խնամում է 100 տարեկան մորը, որդին հիմա գտնվում է հոգեբուժարանում, վերակենդանացման բաժանմունքում։ Միակ ապրուստի միջոցը առևտուրն է, բայց հիմա այն գրեթե չկա. մեկ արկղ լոլիկը վաճառվում է 2 օրում, այն դեպքում, երբ 2 օր շարունակ վաղ առավոտից ուշ երեկո շուկայում կանգնում է: Կինը նկատեց, որ օգնություն ստանալու ակնկալիքով պետական մարմինների է դիմել, բայց չեն աջակցել: Ըստ նրա՝ երկրի վիճակը գնալով վատանում է, իսկ կառավարությունն էլ հասարակության մասին չի մտածում։ «Հարգելի ղեկավար, մտածի հայ ժողովրդի մասին, ես Արարատի մարզից եմ, բայց Հովիկ Աբրահամյանին ոչ մի անգամ չեմ դիմել, դիմել եմ Դոդի Գագոյին՝ Ծառուկյանին, որ օգնի, բայց ատկազ ա արել»,- մանրամասնեց շուկայում վաճառող կինը:
Շուկայում մյուսները ևս նկատեցին, որ այլևս հույսեր չունեն, որ սոցիալական լարվածությունը կմեղմվի, և կկարողանան նորմալ ապրել. «40 տարեկանից հետո նորմալ աշխատանք չկա, գոյատևում ենք։ Օգոստոսի մեկից էլ հոսանքը կթանկանա, լավ չի ժողովրդի վիճակը»,- նշեցին շուկայում՝ հավելելով, որ ոչ մի փոփոխություն չեն զգում, միայն տեսնում են, որ օլիգարխներն իրենց համար նոր շենքեր են կառուցում:
Առավել մանրամասն՝ տեսանյութում։
