Գործարար Սամվել Ալեքսանյանին պատկանող «Ալեքս գրիգը» 3.6 անգամ ավելի քիչ սոցիալական ապահովության վճարներ է մուծում, քան Երևանի պետական համալսարանը, 2.6 ամգամ ավելի քիչ, քան Երևանի Մխիթար Հերացու անվան պետական բժշկական համալսարանը, 1.7 անգամ ավելի քիչ, քան Խաչատուր Աբովյանի անվան Հայաստանի պետական մանկավարժական համալսարանը: Նման պատկերը երևում է ՊԵԿ-ի կողմից երեկ հրապարակած` սոցիալական ապահովագրության վճար վճարած 1000 ամենախոշոր ընկերությունների և նրանց կողմից վճարված պարտադիր սոցիալական ապահովության վճարների մեծությունների ցանկից: Այսպես, ԵՊՀ-ն 2010 թ. առաջին երեք եռամսյակների ընթացում (հունվար-սեպտեմբեր) վճարել է 547 մլն դրամ սոցիալական ապահովության վճար, Բժշկական համալսարանը` մոտ 400 մլն դրամ, Մանկավարժական համալսարանը` 265 մլն դրամ: Իսկ «Ալեքս գրիգը»` ընդամենը 151 մլն դրամ: