Թուրքական Hürriyet թերթի փոխանցմամբ՝ Թուրքիայի վարչապետ Ռեջեփ Էրդողանն իր գլխավորած «Արդարություն ու զարգացում» կուսակցության (ԱԶԿ) ժողովի ժամանակ խոսել է իր կուսակցության նվաճումներից և քննադատել է ընդդիմադիր «Ժողովրդա-հանրապետական» կուսակցությանը (ԺՀԿ).
«2011 թվականի հունիսի 12-ի խորհրդարանական ընտրությունների ժամանակ մենք հավաքեցինք քվեների 50 տոկոսը: Ընտրություններից հետո մենք խոստացանք պահպանել նաև այն կեսի շահերը, որոնք իրենց քվեն չեն տվել մեզ: Մենք ձգտում ենք 50 տոկոսից վերածվել 100 տոկոսանոց կուսակցության:
Մենք ողջ հայրենքի տարածքի կուսակցություն ենք: Մենք ղեկավարում ենք 75 միլիոն մարդու: Որքանով որ տեր ենք կանգնում երկրի արևելքում բնակվող անձանց, նույն կերպ էլ վարվում ենք Հարավ-արևելքում ու Սևծովյան շրջանում բնակվողների հետ:
Թուրքիան միայն և միայն նորմալացման շրջան է ապրում՝ համեմատած անցյալի դաժանությունների հետ: Սակայն ԺՀԿ-ն այս երկրին ժողովրդավարություն չի բերում: Չնայած (ԺՀԿ-ի և Թուրքիայի Հանրապետության հիմնադիր) Քեմալ Աթաթուրքի պատգամներին՝ ԺՀԿ-ն վերածվել է ժողովրդավարության առջև ծառացած արգելքի»:
