Էգեյան հարեւաններին` Թուրքիային եւ Հունաստանին, անհրաժեշտ է համագործակցություն դպրոցներում, հիվանդանոցներում եւ տնտեսության մեջ, այլ ոչ թե լրացուցիչ տանկեր եւ զենքեր, հայտարարել է ԵՄ հետ Թուրքիայի գլխավոր բանակցող Էգեմեն Բաղըշը` ելույթ ունենալով Անկարայում թուրք-հունական համատեղ տնտեսական կոմիտեի նիստի ժամանակ, որը միտված է բարելավելու առեւտուրն ու բիզնես կապերը երկու երկրների միջեւ:
Թուրքիայի եւ Հունաստանի միջեւ առեւտրաշրջանառությունն աճել է $900 մլն-ից մինչեւ $3.5 2010թ., ասել է Բաղըշը: Այս մասին հաղորդում է Hurriyet-ը: Բաղըշը նաեւ նշել է, որ հունական ներդրումները Թուրքիայում հասել են $6.5 մլրդ-ի, եւ որ անցած տարվա ընթացքում Թուրքիա է այցելել 630.000 հույն զբոսաշրջիկ:
