Պաշտոնական Քաբուլն այսօր հերքել է ամերիկյան մամուլում հայտնված այն տեղեկությունները, համաձայն որոնց` Իրանը կաշառում է Աֆղանստանի պաշտոնատար անձանց: Այս մասին հաղորդում է Rend.az-ը` հղում անելով The New York Times թերթին:
Աֆղանստանի նախագահի խոսնակ Համիդ Էլմին նշել է , որ դրանք հերյուրանք են եւ չեն համապատասխանում իրականությանը: Նրա խոսքերով, այն օգնությունը, որ ցուցաբերում է Իրանը Աֆղանստանին, բաց է եւ թափանցիկ, եւ բոլորը կարող են հետեւել դրան:
Հիշեցնենք, որ այսօր մի շարք լրատվամիջոցներ մի տեղեկատվություն են տարածել, համաձայն որի ` Աֆղանստանի նախագահ Համիդ Քարզայը Իրան կատարած այցի ժամանակ ճամպրուկներով գումար է ստացել եւ այդ միջոցներն օգտագործել է պատգամավորներին, հայտնի գործիչներին, ինչպես նաեւ թալիբներին կաշառելլու համար:
Այսօր Համիդ Քարզայը Տաջիկստանի նախագահի հետ հանդիպումից հետո մամուլի ասուլիսի ժամանակ հայտարարել է, որ իր վաչակազմի աշխատակիցները գումարներ ստացել են Իրանից, սակայն դրա վերաբերյալ տեղեկությունը բաց է, եւ այդտեղ ոչ մի գաղտնիք չկա: Բարեկամ երկրներից այդօրինակ գոմարների ստացմամբ զբաղվում է անձամբ Քարզայի վարչակազմի ղեկավարը, հայտարարել է երկրի նախագահը: