Նոր հարցումների արդյունքում պարզվել է, որ Մեծ Բրիտանիայում կանայք մինչև 45 տարեկանը հասցնում են 61 դիետա փորձել, որոնց նպատակը նիհարելն է:
Սակայն պարզվել է, որ նրանցից միայն քչերն են հասել իրենց նպատակին:
Հարցումներին մասնակցել են 2000 բրիտանացի տղամարդիկ և կանայք, որոնց մեկ երրորդն անցած տարում անցել է հատուկ սննդակարգի՝ նիհարելու նպատակով: Հարցումները նաև անհանգստություն են առաջացրել, քանի որ պարզվում է, որ երիտասարդ սերունդը նույնպես անընդհատ մտածում է նիհարելու մասին, որը կարող է առողջական խնդիրներ առաջացնել:
Հարցումներին մասնակցած յուրաքանչյուր 10 մարդկանցից վեցը պատասխանել են, որ իրենց երեխաներն իրենց խնդրել են չտալ այնպիսի սնունդ, ինչպիսն են հացը, կարտոֆիլը կամ որոշակի մրգեր` մտածելով որ դրանք վատ ազդեցություն կունենան իրենց կառուցվածքի վրա:
Նաև պարզվում է, որ ծնողների գրեթե կեսն իրականում հնազանդվել է երեխաների պահանջին: Հարցումներն իրականացրել է Warburtons ընկերությունը:
