Ադրբեջանական 1news.az-ի փոխանցմամբ՝ Թուրքիայի էներգետիկայի ու բնական պաշարների նախարար Թաներ Յըլդըզը Քուվեյթում ընթացող 13-րդ միջազգային էներգետիկ ֆորումում հանդիպել է էներգետիկ հարցերով եվրակոմիսար Գյունթեր Օթինգերի հետ:
Հանդիպման ժամանակ կողմերը քննարկել են «Արևմտյան Nabucco» և TANAP (Անդրանատոլիական գազատար) խողովակաշարերի հարցը, որոնցով ադրբեջանական «Շահ Դենիզ» հանքավայրի գազը պետք է հասնի Եվրոպա:
Կողմերը պայմանավորվել են մոտ ապագայում տվյալ խնդրի շուրջ եռակողմ և քառակողմ (Թուրքմենստան, Ադրբեջան, Թուրքիա, ԵՄ) հանդիպումներ անցկացնել Վիեննայում ու Շտուտգարտում:
Հիշեցնենք, որ ներկայումս չի բացառվում, որ կյանքի կոչվի Թուրքիայի արևելյան հատվածից դեպի արևմտյան հատված կառուցվելիք TANAP գազատարի նախագիծը, իսկ Nabucco-ի նախագծից էլ իրագործվի նրա միայն եվրոպական հատվածը (Թուրքիայի արևմտյան հատվածից դեպի Եվրոպա հատվածը):
