Հունվարի 17-ին լրանում է հոլիվուդյան կատակերգու դերասան Ջիմ Քերիի 50-ամյակը:
Նրա հումորը չի կարելի ինտելեկտուալ համարել, սակայն Քերրին սիրում են հենց նրա համար, որ ամենահիմար հումորը նա կարող է ծիծաղելի դարձնել: Բացի այդ, ժամանակ առ ժամանակ դերասանը իր անլուրջ դերերը փոխարինում է լուրջ ֆիլմերում նկարահանվելով, սակայն դրանք աննկատ են մնում:
Ջիմ Քերին նույնքան անկանխատեսելի է էկրանին, որքան իրական կյանքում. նա կարող է հագնել կանացի լողազգեստ, հյուրանոցային համարում իր փոխարեն բնակեցնել իր նմանակին` պապարացիներից ազատվելու համար, կամ ինքնագիր բաժանել հողաթափերով և խալաթով:
Ջիմ Քերրին իր դերասական կարիերան սկսել է 15 տարեկանից, սակայն այդ ժամանակ հանդիսատեսը նրա վրա հում ձվեր է նետել: Սակայն երկու տարի անց Ջիմը իր մեջ ուժ գտավ և կրկին դուրս եկավ բեմ: Նոր դերը մեծ ջերմությամբ ընդունցին:
Երկար ժամանակ Քերրին հայտնի էր որպես կատակերգական հեռուստաշոուների մասնակից, մինչև 1983 թվականը, երբ նկարահանվեց իր դեբյուտային` «Ռետինե դեմքը» ֆիլմում: Մեկ տարի անց People-ը նրան անվանեց նմանակումների ամենալավ ամերիկացի վարպետը: Սակայն այդ ֆիլմը չի կարելի անվանել նրան հաջողություն բերած ֆիլմ: Քերրի իրական լավագույն ֆիլմերից է «Էյս Վենտուրա. տնային կենդանիների որոնում» ֆիլմը, որում նա նկարահանվել է 1993 թվականին:
Ջիմ Քերրի մասնակցությամբ դասական ֆիլմեր են «Դիմակ», «Հիմարն ու ավելի հիմարը», «Ես, կրկին ես և Իրենը», «Ստախոս, ստախոս», «Ամենակարող Բրյուսը», «Միշտ ասա «այո» կինոնկարները:
Քերրիի վերջին նախագիծը «Վարպետ Փոփերի պինգվինները» կատակերգությունն է: