Պաշտոնական աղբյուրները հայտնում են, որ Պակիստանի նախագահն այսօր մեկնել է Դուբայ: Միաժամանակ երկրում մեծանում է լարվածությունը կառավարության և ռազմական ուժերի միջև:
Associated press-ը հաղորդում է, որ նախագահ Ասիֆ Ալի Զարդարին ավելի վաղ այս ամիս արդեն բուժման նպատակներով այցելել էր Դուբայ` կասկածներ առաջացնելով, որ փախչում է հնարավոր հեղաշրջումից:
Նա վերադարձել էր մի քանի շաբաթ անց, բայց լարվածությունը երկրում շարունակվում էր, իսկ քննադատները կանխատեսում էին, որ կառավարությունը շուտով զրկվելու է իշխանությունից:
Պաշտոնական աղբյուրները, սակայն, հայտնել են, որ նախագահի Դուբայ այցը կապված չէ ներկայիս ճգնաժամի հետ: Նրանք հայտնել են, որ նախագահը այնտեղ ներկա կգտնվի հարսանեկան արարողության և կվերադառնա Պակիստան ուրբաթ օրը: Աղբյուրները գերադասել են թաքցնել իրենց անունները, քանի որ իրենց թույլատրված չի եղել տեղեկությունը հայտնել լրագրողներին:
