Թուրքական Anadolu գործակալության փոխանցմամբ՝ Եվրամիության հարցերով պետնախարար, ԵՄ-ին Թուրքիայի անդամակցության հարցով գլխավոր բանագնաց Էգեմեն Բաղըշը Վիլնյուսում սպառնացել է Ֆրանսիային՝ կապված հունվարի 23-ին Ֆրանսիայի Սենատի կողմից Հայոց ցեղասպանության հերքումը քրեականացնող օրինագծի դիտարկման հետ.
«Սենատում այդ օրինագծի ընդունումը կհանգեցնի Թուրքիայի կողմից Ֆրանսիայի նկատմամբ նոր պատժամիջոցների սահմանմանը։ Մենք արդեն իսկ մի շարք պատժամիջոցներ ենք սահմանել Ֆրանսիայի նկատմամբ։ Եթե այդ օրինագիծը շարունակություն ստանա, ապա ստիպված կլինենք հավելյալ պատժամիջոցներ սահմանել Ֆրանսիայի նկատմամբ»։
Հիշեցնենք, որ Բաղըշից առաջ էլ Թուրքիայի վարչապետ Ռեջեփ Էրդողանն էր Ֆրանսիային սպառնացել շարունակել թուրքական պատժամիջոցների սահմանման գործընթացը, իսկ արտգործնախարար Ահմեդ Դավութօղլուն հույս էր հայտնել, որ Ֆրանսիայի Սենատը հունվարի 23-ին չի գործի «վտանգավոր քայլ»։
