Nokia ընկերության դիզայներ Յարկո Սայնամյակին ներկայացրել է Nokia նոր սմարթֆոնի նախագիծը: Այն ամբողջությամբ բաղկացած է սենսորային էկրանից, պատկերը հեռախոսի մի կողմից կարող է տեղափոխվել մյուս կողմը: Սմարթֆոնն օգտագործողը կարող է, օրինակ, քարտեզի շարունակությունը տեսնել հեռախոսի մյուս կողմում:
Newsru.com-ը հայտնում է, որ Nokia սմարթֆոնի հայեցակարգը ստացել է Gem անունը, որը թարգմանաբար նշանակում է թանկարժեք քար:
Սմարթֆոնի այս նոր տեսակը ճանաչում է նաև մարդկանց շարժուձևը: Օրինակ, եթե մատով հեռախոսի դիմաց պատկերենք շրջանակ, ապա այն կամրագրի պատկերը:
Յարկո Սայնամյակին այս հայեցակարգը ներկայացրել է Nokia-ի 25–ամյակի օրը: Պաշտոնական տվյալները, այնուամենայնիվ, չեն համարձակվում ասել, որ այս սմարթֆոնի նախագիծը 100 %-ով կդառնա իրականություն, սակայն հնարավորությունները քիչ չեն:
