Իրանական Aty News լրատվական կայքի հաղորդմամբ՝ խորհրդարանի նախագահության կազմի անդամ Մուհամադ Դեհղանը հայտարարել է, թե հնարավոր է՝ իրանի հաջորդ նախագահական ընտրությունները չկայանան:
Դեհղանը, անդրադառնալով օրեր առաջ Իրանի առաջնորդ Այաթոլլահ Խամենեիի հայտարարությանն այն մասին, որ ապագայում հնարավոր է՝ Իրանի վարչակարգը նախագահականից փոխվի խորհրդարանականի, նշել է. «Այսօր մեր համակարգը նախագահական-խորհրդարանական է՝ գերագույն առաջնորդի վերահսկողության ներքո, իսկ երկրի նախագահը, ըստ Սահմանադրության, առաջնորդից հետո երկրի երկրորդ դեմքն է, մենք նաև խորհրդարանը բոլոր հարցերի ղեկն ենք համարում: Այսօր ուժը բաժանված է նախագահի և խորհրդարանի միջև, և դա երկրի համար խնդիրներ է առաջացնում:
Երկրի առաջնորդը, հնարավոր է, առաջիկա խորհրդարանական ընտրություններից հետո Սահմանադրության վերանայման համար նոր հանձնաժողով կյանքի կոչի, և այդ դեպքում կարելի է ասել, որ հնարավոր է՝ Իրանի հաջորդ նախագահական ընտրությունները չկայանան»։
