Հոկտեմբերի 21-28 –ը Երևանում Եվրամիության ֆինանսավորմամբ կիրականացվի (REC ON) Հայաստանի, Ֆրանսիայի, Գերմանիայի և Թուրքիայի միջև մշակութային և քաղաքացիական համագործակցության նպաստող ծրագիր, որի նպատակն է Հայաստանի, Գերմանիայի, Թուրքիայի և Ֆրանսիայի արվեստագետների, երիտասարդների և քաղաքացիական հասարակության ներկայացուցիչների միջև համագործակցության հնարավորություն ընձեռել:
Ծրագիրը ֆինանսավորվում է Եվրոպական միության կողմից (200.000 եվրո), իրականացնողներն են ֆրանսիական La Transplanisphere ընկերությունը և պետական Համազգային թատրոնը: Համագործակցում են նաև գերմանական Förderband Kuturinitiativ Berlin և Թուրքական Anadolu Kultur կազմակերպությունները:
Ծրագիրը կիրականացվի նաև յուրաքանչյուր գործընկեր երկրում 2011թ. հունվարի սկզբից մինչև 2012 թ. առաջին ամիսները:
Ներկայացման բեմադրիչը Բռունո Ֆռեյսինեն է (Ֆրանսիա), դրամատուրգը` Սեդեֆ Էսերի (Թուրքիա – Ֆրանսիա) և դերասան-բեմադրիչը`Սերժ Ավեդիքյանը (Հայաստան – Ֆրանսիա):
Ի դեպ, Սերժ Ավեդիքյանը նկարահանում է վավերագրական ֆիլմ այս ծրագրի մասին: