ԵՄ պաշտոնական ներկայացուցիչները որպես Ուկրաինային 50 մլրդ եվրո հատկացնելու քառամյա ծրագրի այլընտրանք դիտարկում են պարտքի կառուցվածքի կիրառմամբ Կիևին 20 մլրդ եվրո տրամադրելու տարբերակը․ հայտնում է Financial Times-ը: «Այդ սխեման ենթադրում է անդամ պետությունների կողմից ԵՄ բյուջեին երաշխիքների տրամադրում, ինչը թույլ կտա Եվրահանձնաժողովին հաջորդ տարի Կիևի համար կապիտալի շուկաներում մինչև 20 մլրդ եվրո փոխառություն վերցնել»,-գրում է պարբերականը՝ վկայակոչելով իր աղբյուրները:
Նրանց գնահատմամբ՝ ֆինանսավորման այս մոդելը «ժողովրդականություն է ձեռք բերել՝ որպես աջակցություն ցուցաբերելու առավել գործնական միջոց», այն դեպքում, եթե Հունգարիան հրաժարվի իր վետոն հանել փետրվարի 1-ին նախատեսված գագաթնաժողովում:
