Իսրայելական Mig News-ի փոխանցմամբ՝ Թուրքիայի վարչապետ Էրդողանը եգիպտական al-Shorouk թերթին տված հարցազրույցի ժամանակ մտահոգություն է հայտնել, որ Սիրիան գտնվում է քաղաքացիական պատերազմի նախաշեմին։
Էրդողանը կարծում է, որ եթե Սիրիայի նախագահ Բաշար Ալ-Ասադը չդադարեցնի ընդդիմության ելույթների արյունալի ճնշումները, ապա ալավիների և սուննիների միջև կբռնկվի քաղաքացիական պատերազմ։
Նա նշել է. «Մենք այդ ճգնաժամից դուրս գալու որևէ հույս չենք տեսնում, քանի դեռ Սիրիայի նախագահի շրջապատում են գտնվում նրա ներկայիս օգնականները։ Եթե Ասադը դա չփոխի այժմ, ապա նա ստիպված կլինի դրա համար անձամբ թանկ գին վճարել»։
Հիշեցնենք, որ օրեր առաջ էլ Թուրքիայի վարչապետ Էրդողանը «Ալ-Ջազիրա» հեռուստաալիքին տված հարցազրույցի ժամանակ խոստորեն քննադատել էր Սիրիայի նախագահ Բաշար Ալ-Ասադին սեփական ժողովրդին ահաբեկիչ անվանելու համար.
«Մեզ մոտ եթե ահաբեկիչների ձեռքին զենք կա, մենք նրանց սպանում ենք։ Միչդեռ երբ պարոն Ասադը ծովից ռմբակոծության է ենթարկում Լազքիե քաղաքը, անհասկանալի է, թե նա ինչ նպատակ է հետապնդում դրանով։
Քաղաքական առաջնորդները պետք է իրենց ապագան կառուցեն արդարության և ոչ թե «զուլումի» սկզբունքի հիման վրա։ Արյամբ իշխանություն չեն պահում, արյամբ իշխանություն պահողներն արյամբ էլ հեռանում են»։
