ՏԱՍՍ լրատվական գործակալությունը գլխավորել է Անդրեյ Կոնդրաշովը։ Նրա նշանակման մասին հրամանը ստորագրել է վարչապետ Միխայիլ Միշուստինը։ Սերգեյ Միխայլովն ազատվել է հոլդինգի գլխավոր տնօրենի պաշտոնից իր իսկ ցանկությամբ։
Այդ մասին տեղեկացնում է ՌԴ կառավարության պաշտոնական կայքին։
Անդրեյ Կոնդրաշովը ռուս հայտնի լրագրող և հեռուստահաղորդավար է։
Ծնվել է 1973 թվականին Ալմա-Աթայում։ Ավարտել է Մոսկվայի անկախ բնապահպանական և քաղաքագիտական համալսարանի ժուռնալիստիկայի ֆակուլտետը: Հետագայում՝ Ռուսաստանի Դաշնության Նախագահին առընթեր ժողովրդական տնտեսության և պետական կառավարման ակադեմիայի մագիստրատուրան՝ «Քաղաքագիտություն» մասնագիտությամբ:
1991 թվականից աշխատել է հեռուստատեսությունում։ Եղել է Կենտրոնական Ասիայում Համառուսաստանյան պետական հեռուստառադիոընկերության սեփական թղթակիցը, լուսաբանել է Պետդումայի աշխատանքը, վարել «Վեստի» և «Վեստի Նեդելի» հաղորդումները։
2018 թվականին Կոնդրաշովը դարձել է Համառուսաստանյան պետական հեռուստառադիոընկերության գլխավոր տնօրենի տեղակալ։ Այդ պաշտոնում նա վերահսկում էր հոլդինգի տեղեկատվական ուղղությունը։
Անդրեյ Կոնդրաշովը «Տեղեկատվական հաղորդումների հաղորդավար» անվանակարգում «ՏԵՖԻ» մրցանակի դափնեկիր է, արժանացել է նաև «Պատմությունն արտացոլելու համար» հատուկ մրցանակի։ Ունի պետական պարգևներ, այդ թվում՝ թեժ կետերում աշխատանքի և Ղրիմի իրադարձությունները լուսաբանելու համար։
