Ասօր «Պոստ Սկրիպտում» մամուլի ակումբում, խոսելով ՀՀ ԿԳ նախարարության Լեզվի պետական տեսչության կողմից արձանագրված վերջին խախտումների և այդ ուղղությամբ իրականացված աշխատանքների մասին, տեսչության նախագահ Սերգո Երիցյանն ասաց. «Մեզ համար շատ կարևոր էին օրենսդրական փոփոխությունները, որ ուժի մեջ մտան հուլիսի 17-ին:
Օրենսդրական նախաձեռնությունների հեղինակը Լիլիթ Գալստյանն է։ Հուսով եմ` հանուն լեզվի մաքրության պայքարը հուլիսից նոր փուլ է թևակոխել։ 15 արձանագրությnւն է կազմվել»:
Ս. Երիցյանը հատկապես անդրադարձավ ցուցանակների անվանումներին՝ ասելով, որ դրանք պետք է հայերեն լինեն: Օրինակ՝ «Վիեննա» խանութը ստիպված է է եղել ցուցանակը դարձնել հայերեն: Նոր օրենքով տույժերը կրկնապատկվել են։ Հստակություն է մտցվել նաև «Գովազդի մասին» օրենքում: Ցավոք, մարդիկ ցուցանակները հաճախ գրում են անգլերենով:
Նրա խոսքերով`հիմա ԱԺ-ում քննարկումներ են ընթանում հեռուստատեսային լեզվի խախտումներին վերաբերող հարցերի լուծումը Լեզվի տեսչությանը տրամադրելու շուրջ: «Օրենսդրական բացը դեռ կա»,- ասաց Ս. Երիցյանը: Հիմա տուգանքները սկսվում են նվազագույն աշխատավարձի հարյուրապատիկից։ Լեզվի տեսչությունում կա նաև «թեժ գիծ», որը պատասխանում է մարդկանց հարցերին:
