Գաղափարախոսության բացակայությունն է մեր ձախողումների պատճառը: «Առաջին լրատվական»-ի հետ զրույցում նման տեսակետ հայտնեց Արցախի ինքնապաշտպանության ուժերի առաջին հրամանատար Արկադի Կարապետյանը:
Ըստ Կարապետյանի` բանակում պետք է ծառայեն, ոչ թե աշխատեն. Բանակը ասպետի վայր է: Եթե մարդը հայրենիքը չի սիրում, ինչպես բանակում պատասխանատվություն կստանձնի: Դավաճանություն միշտ էլ եղել է, բայց նախկինում կարևորը կար` գաղափարը: Մենք հաղթել ենք գաղափարախոսության հաշվին: Աստված մեզ հաղթանակ է տվել, բայց ճիշտ ուղու վրա ենք եղել, իսկ 2020-ին պարտվեցինք գաղափարախոսության բացակայության պատճառով Կարապետյանը նաև նշեց, որ 2020-ի պատերազմին Ադրբեջանը մեզնից բարձր մակրադակի վրա էր, որովհետև պատերազմը համարում էր հայրենական, իսկ մենք մինչ օրս ասում ենք` 44-օրյա պատերազմ. Չի կարելի, սխալ գաղափարախոսություն է:
