Երուսաղեմում պատրիարքի՝ «Կովերի պարտեզ» կալվածքը 99 տարով հրեա գործարարին վարձակալության տալու որոշումից հետո պատրիարքության միաբանները բաժանվել են երկու մասի, մի մասն աջակցում է պատրիարքին, մյուս մասը՝ մերժում։ Նշվում է, որ եթե այսպես շարունակվի և պատրիարքն ընդառաջ չգնա հանրությանը, ապա կպահանջեն պատրիարքի հրաժարականը։
Օրերս Պաղեստինյան ինքնավարության Եկեղեցական գործերի բարձրագույն նախագահական հանձնաժողովը ղեկավարությամբ նախարար Ռամզի Խուրիին նամակ է հղել Երուսաղեմի պատրիարք Նուրհան Մանուկյանին՝ պահանջելով բացատրություն տալ վերջինիս՝ անշարժ գույքի կասկածելի գործարքների հետ կապված, ընդ որում՝ թե վարձակալության և թե վաճառքի հետ կապված գործարքների մանրամասները: Նամակում, մասնավորապես, Ռամզի Խուրիին նշում է կարևորագույն կետերը․ Կովերի պարտեզը, որն ըստ երևույթին պատրիարքը վարձակալել է ի նպաստ Իսրայելի շահերի, նշանակում է իսրայելական ծրագրի իրականացում, որ չհաջողվեց հաստատել Քեմփ Դեյվիդում 2000 թ.։ Սա նշանակում է, որ Իսրայելը ժամանակին խնդրել էր, որ «Հայոց թաղը» մնա Պաղեստինի մաս, սա այն ժամանակ չհաջողվեց, այս դեպքում փորձում են վարձակալությամբ 2000թվականի ծրագիրը կյանքի կոչել։
Նամակի երկրորդ կետում նշվում է, որ Նուրհան պատրիարքի անշարժ գույքի գործերը մերժվել են Սուրբ Երկրի և արտերկրի հայ համայնքների կողմից մանրամասնորեն և ամբողջությամբ։ Այս ծրագրերը ներառում են հայկական սեփականություն հանդիսացող անշարժ գույքի վաճառքը կամ վարձակալությունը Երուսաղեմի Հին քաղաքում և քաղաքի պարիսպներից դուրս:
Բացի այդ, նշվում է, որ Նուրհան պատրիարքի անշարժ գույքի հետ կապված գործարքները մերժել են Երուսաղեմի Սրբոց Հակոբյանց միաբանության ընդհանուր ժողովի և պատրիարքարանի տնօրեն ժողովի կողմից։ Նուրհան պատրիարքի անշարժ գույքի գործարքները մերժվել են նորաստեղծ Պաղեստին-Հորդանան-Հայ եռակողմ հանձնաժողովի կողմից։ նշենք, որ հանձնաժողովը կատարած է մի քանի ժողովներ։ Հանձնաժողովը պահանջել է նաև չեղարկել դրանք։ Պաղեստինյան հանձնաժողովը տեղեկացրել է Նուրհան պատրիարքին, որ իր նամակը պատրիարքի համար վերջին հնարավորությունն է՝ ամբողջությամբ պարզաբանելու պատրիարքարանի անշարժ գույքի գաղտնի գործարքները, որոնք կասկածելի են անվանվել։ Պատրիարքը անտեսել է Պաղեստինի հանձնաժողովի նախորդ նամակները, որ ուղարկված են։
Նամակում չի ասվում, թե ինչ քայլեր կձեռնարկեն Պաղեստինի իշխանությունները, եթե պատրիարքը հերթական անգամ չարձագանքի կամ նրա պատասխանն անբավարար լինի, բայց ըստ ամենայնի, քայլեր պիտի ձեռնարկվեն։
Պատրիարքարանում անորոշ մթնոլորտը շարունակվում է, անորոշության մեջ է ապրում նաև Հայոց թաղը, որովհետև որևէ կերպ ընդառաջ չգնաց պատրիարքը սաղիմահայության, ինչպես նաև միաբանների պահանջին՝ չեղարկելու Կովերի պարտեզի գործարքը։
Հիշեցնենք, որ Երուսաղեմում պատրիարքության շուրջ ստեղծված աղմուկը չի դադարում։ Նուրհան Պատրիարքը չի ուզում հետ կանգնել Կովերի պարտեզի՝ 99 տարով հրեա գործարարին վարձակալություն տալու ստորագրությունից, Հայր Պարետ Երիցյանը՝ նույնպես։
Այդ գործարքի հետ կապված պատրիարքության միաբանները բաժանվել են երկու մասի, մի մասն աջակցում է պատրիարքին, մյուս մասը՝ մերժում։
Հատկանշական է, որ 99 տարով տարածքը վարձակալությամբ տալու համաձայնագիրը անօրինական է հենց այն առումով, որ որևէ մեկն իրավունք չունի հայկական կալվածքներն 99 տարով վարձակալության տալ, պատրիարքության կանոնադրությամբ, առավելագույն ժամկետը 49 տարին է: