Անգլիացի կանայք սուր քննադատության են ենթարկվել բնապահպանների կողմից: Պարզվել է, որ նրանք մոտ 50 միլիարդ լիտր ջուր են ամեն տարի ծախսում` ոտքերը սափրելիս: Հետազոտության եզրակացության մեջ նշված է, որ կանայք պարզապես չեն կարողանում փակել ջրի ծորակը: Այս մասին հաղորդում է The Daily Telegraph-ը:
Մասնագետները պնդում են, որ ամեն երրորդ անգլուհին չի փակում ծորակը, իսկ ջուրն անիմաստ հոսում է. «Այդքան ջուրը բավական կլիներ, որպեսզի ապահովվեր Լոնդոնի ջրամատակարարումը 25 օրվա ընթացքում»,- գրում է թերթը: Հաշվարկվել է, որ ատամները լվանալիս ամեն չորրորդ բրիտանացին չի փակում ծորակը, որի հետևանքով կորչում է 120 մլրդ լիտր ջուր՝ տարեկան:
«Ոմանք կարող են կարծել, թե անձրև կգա և Թեմզան կլցվի, սակայն մեր տարածաշրջանում վերջին 8 ամիսների ընթացքում նորմայից քիչ տեղումներ են եղել: Մենք պետք է սովորենք խնայել»,- գրում է թերթը:
