Արգենտինայի նախագահ Ալբերտո Ֆեռնանդեսը հեռախոսով ամերիկացի պաշտոնակից Ջո Բայդենի հետ քննարկել Է պարենային անվտանգության խնդիրը: Հունիսի 1-ին այդ մասին հայտնել Է հարավամերիկյան հանրապետության կառավարության մամուլի ծառայությունը:
«Արգենտինայի նախագահ Ալբերտո Ֆեռնանդեսը հեռախոսազրույց Է վարել ԱՄՆ-ի նախագահ Ջո Բայդենի հետ, որի ընթացքում նրանք համաձայնվել են վերլուծել աշխարհի իրադրության տարբեր ասպեկտներ, հատկապես պարենային ավտանգության խնդիրը, Էներգետիկական անցումը, տարածաշրջանային նոր արտադրական-վաճառահան շղթաները եւ տեխնոլոգիական փոփոխությունները»,- ասված Է հայտարարության մեջ: Արգենտինայի կառավարության մամուլի ծառայությունում հայտնել են, որ Բայդենը Ֆեռնանդեսին հրավիրել Է հունիսի վերջին այցելել Վաշինգետոն՝ քննարկելու համար, մասնավորապես, համագործակցությունը ֆինանսական ոլորտում եւ գյուղատնտեսական արտադրության բնագավառում:
Ինչպես հայտնել Է Արգենտինայի Տելամ պետական գործակալությունը, ավելի վաղ Ֆեռնանդեսն ամերիկյան կողմին Է հղել Ամերիկաների գագաթնաժողվին՝ իր մասնակցության հավաստումը, որը տեղի Է ունենալու հունիսի 6 – 10-ը Լոս Անջելեսում (Կալիֆոռնիայի նահանգ), հաղորդել Է ՏԱՍՍ-ը: