Անցյալ շաբաթ ավելի քան 9 միլիոն արդ Է վարակվել կորոնավիրուսով, ավելի քանի 26 հազարը մահացել Է: Մահացու վախճանների թիվը նախորդ յոթ օրվա համեմատությամբ նվազել Է 43 տոկոսով, իսկ վարակման դեպքերի թիվը կրճատվել Է 16 տոկոսով, ապրիլի 6-ին հաղորդել Է Առողջապահության համաշխարհային կազմակերպությունը (ԱՀԿ):
Ինչպես նշված Է ԱՀԿ-ի շաբաթական տեղեկագրում, «մարտի 28-ից մինչեւ ապրլի 3-ը COVID-19-ի նոր դեպքերի թիվը նախորդ շաբաթվա համեմատությամբ նվազել Է 16 տոկոսով, իսկ մահերի թիվը նվազել Է 43 տոկոսով»: Շաբաթվա ընթացքում ԱՀԿ-ում հաղորդումներ են ստացվել 10 351 818 մարդու վարակման մասին: Արձանագրվել Է 26 285 մահացու վախճան: Նախորդ շաբաթվա (մարտի 21-ից մինչեւ 27-ը) համեմատությամբ վարակվածների թվի նվազում Է արձանագրվել ԱՀԿ-ի բոլոր վեց տարածաշրջաններում: Դա առանձնապես խիստ Է դրսեւորվել Աֆրիկայում (մինուս 19 տոկոս), Եվրոպայում (մինուս 16 տոկոս) եւ Արեւմտա – խաղաղօվկիանոսյան տարածաշրջանում (մինուս 16 տոկոս): Մահացության նվազում նույնպես արձանագրվել Է բոլոր տարածարջաններում, ընդ որում առանձնապես զգալիորեն Հարավ – արեւելյան Ասիայում (73 տոկոսով) եւ Ամերիկայում (63 տոկոսով):
Կորեայի Հանրապետությունը հայտնել Է շաբաթվա ընթացքում ամենամեծ թվով ախտահարվածների մասին՝ 2 058 375: Այնուհետեւ հաջորդում են Գերմանիան (1 371 270), Ֆրանսիան (959 084), Վիետնամը (796 725) եւ Իտալիան (486 695): ԱՄՆ-ում արձանագրվել են յոթ օրում ամենից շատ մահացածներ (4 435): Այնուհետեւ հաջորդում են Ռուսաստանը (2 357), Կորեայի Հանրապետությունը (2 336), Գերմանիան (1 592) եւ Բրազիլիան (1 436): ԱՀԿ-ում հիշեցրել են, որ SARS-CoV-2-ը «շարունակում Է զարգանալ»: «Հաշվի առնելով փոխանցման ներկայիս մակարդակը, ամենայն հավանականությամբ, կհայտնվեն (կորոնավիրուսի) հետագա տարբերակներ»,- ասված Է լրատվական տեղեկագրում: Ապրիլի 5-ի Երեւանի ժամանակով 22:46-ի դրությամբ ԱՀԿ-ում տվյալներ են ստացվել 490 853 129 ախտահարվածների եւ 6 155 344 մահացաների մասին: Վարակվածների թիվը մեկ օրում ավելացել Է 872 868-ով, մահացու վախճաններինը՝ 16 079-ով, հաղորդել Է ՏԱՍՍ-ը:
