Ուկրաինայի ճգնաժամը չպետք Է վերաճի պատերազմի Հյուսիսատլանյան դաշինքի եւ Ռուսաստանի միջեւ: Մարտի 11-ին այդ մասին հայտարարել Է ՆԱՏՕ-ի գլխավոր քարտուղար Ենս Ստոլտենբերգը՝ CNN Turk հեռուստաալիքին տված հարցազույցում: «ՆԱՏՕ-ն խստորեն արձագանքեց Ռուսաստանի (գործողություններին):
Մենք վարժեցրել ենք Ուկրաինայի տասնյակ հազարավոր զինվորների: (…) Այդ պատերազմը չպետք Է վերածվի Ռուսաստանի դեմ ՆԱՏՕ-ի պատերազմի, այն կհանգեցնի բազմաթիվ զոհերի»,- կարծում Է նա: Ստոլտենբերգը հայտարարել Է, որ դաշինքն իր բոլոր դաշնակիցներից ակնկալում Է պատժամիջոցների սահմանում Ռուսաստանի դեմ Ուկրաինայում հատուկ գործողության պատճառով:
«Այո՛, մենք սպասում ենք, որ մեր բոլոր դաշնակիցները կսահմանեն պատժամիջոցներ, մենք կարող ենք Ռուսաստանին ստիպել գին վճարելու (Ուկրաինայում հատուկ գործողության իրականացման համար): Ես նաեւ այդ մասին հայտնել եմ (Թուրքիայի արտաքին գործերի նախարար) պարոն Մեվլյութ Չավուշօղլուին»,- ասել Է նա Անթալիայի դիվանագիտական համաժողովի հարթակներում, հաղորդել Է ՏԱՍՍ-ը:
