Քաղաքագետ Ռոբերտ Ղևոնդյան ֆեյսբուքյան իր էջում գրել է. ՀԱՊԿ-ը այս անգամ բացահայտ կերպով ի ցույց դրեց իր ոչ թե ռազմական, այլ ներքին ոստիկանական կառույց լինելը: Եթե նախկինում Հայաստանի մասնակցությունը ձեւական էր եւ ընդամենը Ռուսաստանի հետ հարաբերությունները չփչացնելու գաղափարով էր պայմանավորված, այժմ դառնում է վտանգավոր։
Ոչ մի հայ զինվոր որեւէ պայմանով, որեւէ ժամանակով չպետք է մեկնի Ղազախստան։ Սա այնպիսի սպառնալիք է Հայաստանի պետականությանը, ինչպիսին մենք չենք ունեցել 1991 թվականից սկսած։ Հայ զինվորին Ղազախստան ուղարկելու հրամանի դեպքում Հայաստանի իշխանության լեգիտիմությունը կդառնա կասկածելի, ինչը հղի է անկանխատեսելի հետեւանքներով արդեն Երեւանի համար։
Ղազախ ժողովուրդն իրավունք ունի կատարել իր ընտրությունը ինչպես մենք 2018 ին, անկախ նրանից դա Կրեմլում, Սպիտակ տանը կամ Ելիսեյան պալատում ճիշտ են համարում թե սխալ։ Իսկ Հայաստանը չունի որեւէ բարոյական կամ այլ պարտավորություն այդ գործընթացի մեջ «քիթը խոթելու»։
