ՀՀԿ-ական պատգամավոր Հովհաննես Սահակյանն այսօր լրագրողների հետ հանդիպման ժամանակ նշեց, որ հաշվի առնելով այն հանգամանքը, որ ՀԱԿ-իշխանություն պատվիրակությունները որոշել են մինչև ուրբաթ օրը պահպանել լռություն, ինքը ևս ձեռնպահ կմնա մեկնաբանություններից, սակայն, ըստ նրա, կարևոր է արձանագրել, որ երկխոսությունը կայացել է և շարունակվում է:
ՀԱԿ ակտիվիստների հետ կապված միջադեպին անդրադառնալով՝ Սահակյանը նշեց, որ եթե որևէ երիտասարդ, անկախ նրանից՝ կլինի ՀԱԿ,ՀՀԿ ՀՅԴ կամ որևէ այլ կուսակցութան ներկայացուցիչ, կամ հասարակ քաղաքացի, եթե խանգարում է հասարակական կարգը, ապա պետք կարգի հրավիրվի. «Այսօր ընթանում է գործի հետ կապված քննություն, և համապատասխան մարմինները կտան իրենց գնահատականը,եթե իրավապահները ևս չարաշահել են իրենց լիազոությունները, ապա նրանք ևս կենթարկվեն պատասխանատվության»:
ՀՌԱԿ ատենապետ էդվարդ Անտինյանն էլ կարծիք հայտնեց, որ եթե մարդիկ նստում են սեղանի շուրջ և ցանկանում են որոշակի հարցի շուրջ պայմանավորվել, ապա «պռովակացիաները» չպտեք է ձեռնտու լնեն նրանցից և ոչ մեկին.«Ի՞նչ կարիք կա փողոցում իրար վրա հարձակվել, երբ մարդիկ նստած 80-100 էջանոց փաստաթուղթ են քննարկում»: Այնուամենայնիվ, ըստ Անտինյանի, օգոստոսի 9-ի միջադեպի լարվածությունը ձեռնտու է այն կողմին, ով տեսնում է, որ երկխոսության շարունակումն իրեն ձեռնտու չէ: «Լարվածությունը ամեն դեպքում փորձում են պահել՝ նրա համար, իբրև թե որևէ մեկը երկխոսությունից ցանկանա դուրս գալ, ապա դրա համար պատրվակ ունենա»,- ասաց բանախոսը: Նրա կարծիքով՝ իշխանությանը ձեռնտու է երկխոսության շարունակումը, որովհետև վերջինս գնում է հերթական ընտրությունների:
