Միացյալ Նահանգները գործընկերների ու դաշնակիցների հետ քննարկում է Չինաստանում կայանալիք Օլիմպիական խաղերին մասնակցելու հարցը, վերջնական որոշում դեռևս չկա: Այս մասին The New York Times պարբերականի կազմակերպած համաժողովի ժամանակ հայտարարել է ԱՄՆ պետքարտուղար Էնթոնի Բլինկենը:
«Մենք խոսում ենք գործընկերների ու դաշնակիցների, աշխարհի տարբեր երկրների հետ այն մասին, թե ինչ են նրանց մասնակցում Օլիմպիական խաղերին մասնակցության վերաբերյալ: Սա ակտիվ քննարկում է: Մենք մոտ ենք խաղերի անցկացմանը, սակայն թույլ տվեք այստեղ հիմա կանգ առնել»,- ասել է Բլինկենը:
Ավելի վաղ ԱՄՆ Կոնգրեսի Ներկայացուցիչների պալատի խոսնակ Նենսի Փելոսին կոչ էր արել միջազգային հանրությանը դիվանագիտական բոյկոտի ենթարկել Չինաստանում կայանալիք Օլիմպիական խաղերը, ինչին դեմ էր հանդես եկել ԱՄՆ Ազգային օլիմպիական կոմիտեն:
Ձմեռային 24-րդ Օլիմպիական խաղերը տեղի կունենան 2022 թվականի փետրվարի 4-20-ը Պեկինում: