Հայաստանի անկախության 30-ամյակը անպայման պետք է նշել: Այս մասին Երևանի փողոցներում «Առաջին լրատվական»-ի հարցմանն ի պատասխան նշեց քաղաքացիներից մեկը:
Մեկ ուրիշն էլ ասաց. «Այդքան մայրեր սգի մեջ, ի՞նչ անկախության մասին է խոսքը: Ի՞նչ տվեց էդ անկախությունը մեզ»:
Երիտասարդ երևանցիներից մեկը նկատեց, որ պետք է նշել, բայց այս պահին դա պետք է անել զուսպ: «Մեծ շուքով չէ, բայց համեստ միջոցառումներ կարելի է անել»: «Անկախությունը շատ լավ տոն է, բայց մյուս կողմից չգիտեմ՝ հիմա մարդիկ ինչ տրամադրություն կունենան»,-ասաց երևանցին կանանցից մեկը: «Հիմա ժամանակը չի մեծ հանդիսություններով տոնը նշելու: Ինձ թվում է՝ մարդիկ ճիշտ կհասկանան: Գոնե մեկ տարի պետք է անցնի»,-ասաց երիտասարդ քաղաքացիներից մեկը:
