Հուլիսի 15-ին Բարձրագույն դատական խորհուրդը նոր որոշում է ընդունել, որում նշվում է․
«Հիմք ընդունելով Արմավիրի մարզի առաջին ատյանի ընդհանուր իրավասության դատարանի դատավոր Մանվել Սիմոնյանի 65 տարին 2021 թվականի հուլիսի 16-ին լրանալու հանգամանքը և ղեկավարվելով Հայաստանի Հանրապետության Սահմանադրության 166-րդ հոդվածի 8-րդ մասով, §Հայաստանի Հանրապետության դատական օրենսգիրք¦ սահմանադրական օրենքի 89-րդ հոդվածի 1-ին մասի 9-րդ կետով, 160-րդ հոդվածի 1-ին մասի 2-րդ կետով, 160-րդ հոդվածի 3-րդ մասով և 94-րդ հոդվածի 1-ին մասով` Բարձրագույն դատական խորհուրդը
Ո Ր Ո Շ ՈՒ Մ Է
1. Պաշտոնավարման տարիքը լրանալու կապակցությամբ 2021 թվականի հուլիսի 16-ից Արմավիրի մարզի առաջին ատյանի ընդհանուր իրավասության դատարանի դատավոր Մանվել Մազմանի Սիմոնյանի լիազորությունները համարել դադարած»,-նշված է որոշման մեջ:
Սիմոնյանը ծնվել է 1956 թվականին Հոկտեմբերյան քաղաքում։
Կրթություն
1975 թվականից մինչև 1980 թվականը սովորել է ԵՊՀ իրավաբանական ֆակուլտետում։
Աշխատանքային փորձ
1973 թվականից մինչև 1975 թվականն աշխատել է Հայկոոպի Հոկտեմբերյանի քաղկոոպում՝ որպես բանվոր։
1980 թվականից մինչև 1981 թվականն աշխատել է Ամասիայի շրջանի դատախազությունում՝ որպես ստաժոր, այնուհետև՝ որպես քննիչ։
1983 թվականից մինչև 1988 թվականն աշխատել է Բաղրամյանի շրջանի դատախազությունում՝ որպես քննիչ։
1988 թվականից մինչև 1989 թվականն աշխատել է Հոկտեմբերյանի միջշրջանային դատախազությունում՝ որպես քննիչ, այնուհետև՝ մինչև 1995 թվականը՝ որպես ավագ քննիչ։
1995 թվականից մինչև 1996 թվականը աշխատել է Արմավիրի միջշրջանային դատախազությունում որպես դատախազի օգնական։
1996 թվականից մինչև 1999 թվականն աշխատել է Արմավիրի շրջժողդատարանի նախագահի պաշտոնում։
1999 թվականից առ այսօր աշխատում է Արմավիրի մարզի ընդհանուր իրավասության դատարանի դատավոր:
