Հայտնի է, որ Ռոբերտ Քոչարյանը հսկայական գումարներ է ծախսել «Հայաստան» դաշինքի փիառի համար: Տարբեր տեղեկություններով՝ այդ գումարը հասել է 50-60 միլիոն դոլարի: Ընդ որում, հրավիրվել են Ռուսաստանի ամենահայտնի մասնագետները, որոշ տեղեկություններով՝ «Գազպրոմ մեդիայից», ներգրավվել են հսկայական մեդիառեսուրսներ, հազարավոր ֆեյքեր, հեռուստաալիքներ, կայքեր, զանազան գելափներ և այլն: Սակայն այս «ներդրումը» ջախջախվեց՝ դեմ առնելով Փաշինյանի թիմի կողմից գրագետ կառուցած պատին:
Մենք «Քաղաքացիական պայմանագրից» փորձեցինք իմանալ, թե ով է համակարգել շտաբում իշխող ուժի փիառ արշավը: Մեզ միայն ասացին, որ նախընտրական շտաբում փիառ արշավը համակարգել է Արայիկ Հարությունյանը, բայց այլ մանրամասներ չնշեցին: Այլ աղբյուրներից հայտնի դարձան որոշ մանրամասներ: Քարոզչական խմբի անդամների թիվը, ըստ տեղեկությունների, չի գերազանցել 10 հոգին: Մեզ հաջողվեց պարզել, որ նրանց թվում են եղել ԱԺ պատգամավորներ Վահագն Ալեքսանյանը, Հայկ Կոնջորյանը, Արթուր Հովհաննիսյանը, ՔՊ վարչության անդամ Էդուարդ Աղաջանյանը, տեղեկատվական ՊՈԱԿ-ի նախկին ղեկավար Լիլիթ Մինասյանը:
Հրապարակված հաշվետվություններից նաև պարզ է դառնում, որ ներգրավված է եղել «Դոմինո փրոդաքշըն» ընկերությունը: Այլ աղբյուրներ նշում են նաև «Փռոդիջի» ընկերության անունները:
Ակնհայտ է, որ իշխանությունն ունեցել է ֆինանսական և մասնագիտական փոքր ռեսուրսներ քոչարյանական «սլաքային» մեքենայի դեմն առնելու համար, սակայն «Քաղաքացիական պայմանագրի» հաջող արդյունքը վկայում է, որ Փաշինյանի փիառ խմբին հաջողվել է հաանել ցանկալի արդյունքի:
