Ընտրակաշառքների հետ կապված որևէ ռեալ դեպք չի արձանագրվել, այսօր լրագրողների հարցին ի պատասխան ասաց փոխոստիկանապետ Արա Ֆիդանյանը։
Լրագրողները մասնավորապես հետաքրքրվեց փոխոստիկանապետից, թե ոստիկանությունը տեղեկություններ ունի՞ ընտրակաշառքների մասին, «խոսվում է մինչև 20-30 հազար դրամ ընտրակաշառքից»։
«Ընտրակաշառքների հետ կապված որևէ ռեալ դեպք չի արձանագրվել։ Եթե չեմ սխալվում, նյութեր են նախապատրաստվում և ուսումնասիրություներ են կատարվում 27 դեպքերով՝ նախընտրական փուլում կատարված հանցագործությունների հետ կապված, այդ թվում՝ 14-ը գույքի հետ կապված՝ պաստառների վնասում։ 14-ից 12-ը կոնկրետ անձին՝ Ռոբերտ Քոչարյանին պատկանող պաստառներ էին, որոնցից 5-ն արդեն իսկ բացահայտվել է։ Անձինք տարբեր էին, բոլորն էլ ֆիզիկական անձինք էին, նախնական տվյալներով՝ նախկինում որևէ քաղաքական թիմի անդամ չեն հանդիսացել », – ասաց Ֆիդանյանը։
