Twitter սոցիալական ցանցի վարչակազմը միջոցներ կձեռնարկի ցանկացած հաշվի նկատմամբ, եթե այն օգտագործի ամերիկյան գործող առաջնորդ Դոնալդ Թրամփը: Դա կվերաբերի նաև ԱՄՆ նախագահի պաշտոնական օգտահաշվին, հայտնում է Axios պորտալը՝ վկայակոչելով սոցցանցի ներկայացուցչին:
Սոցիալական ցանցի վարչակազմն ավելի վաղ հայտարարել էր, որ ընդմիշտ փակել է մուտքը Թրամփի անձնական օգտահաշիվ՝ կանոնները խախտելու պատճառով, ինչպես նաև այն մտավախությունների պատճառով, որ ԱՄՆ նախագահը կարող է փորձել բռնություն հրահրել: