Վլադիմիր Պուտինը Սուրբ Ծննդյան պատարագին ներկա է գտնվել Վելիկի Նովգորոդի մոտակայքում, Իլմեն լճի ափին գտնվող Նիկոլայ Հրաշագործի եկեղեցում։ Այս մասին հայտնում է Կրեմլի կայքը: Լուսանկարներից երևում է, որ ոչ նախագահը, ոչ էլ մյուս ներկաները նախազգուշական միջոցներ չեն պահպանել:
Լուսանկարներում և «Ռոսիա 24» -ի տեսանյութում Վլադիմիր Պուտինը մեքենայով հասնում է եկեղեցի. ոչ ինքը, ոչ էլ վարորդը դիմակներ չեն կրում: Պատարագին ներկա է եղել մոտ 15 մարդ, նրանք բոլորն առանց դիմակի են եղել և սոցիալական հեռավորություն չեն պահպանել: Դրանից հետո Պուտինը բոլոր ռուսներին շնորհավորել է Սուրբ Ծննդյան կապակցությամբ՝ կրկին առանց դիմակի, բայց արդեն փողոցում:
Վլադիմիր Պուտինը 68 տարեկան է, նա չի հիվանդացել կորոնավիրուսով և չի պատվաստվել դրա դեմ:
«Պրոյեկտը» գրել էր, որ նախագահի հետ հանդիպումից առաջ մարդիկ պարտավոր են երկշաբաթյա կարանտին պահպանել։ Նախագահի մամուլի ասուլիսից առաջերկշաբաթյա կարանտինում են եղել Ռոսմոլոդյոժի ղեկավար Ալեքսանդր Բուգաևը և «Գազպրոմ» -ի վարչության նախագահ Ալեքսեյ Միլլերը։
