Հայ-թուրքական սահմանը ոտաբոբիկ հատած «Հզոր Թուրքիա» կուսակցությունը հանդես է եկել նոր` հայ-թուրքական բարեկամության շարժում ստեղծելու նախաձեռնությամբ: Ինչպես հայտնում են թուրքական լրատվամիջոցները, կուսակցության նախագահ Թունա Բեքլեւիչը հայտարարել է, որ շարժումը ստեղծվել է ի պատիվ հայ-թուրքական արձանագրությունների ստորագրման տարելիցի: Նորաթուխ կազմակերպության նպատակը երկու երկրներն իրար մոտեցնելն է: Կուսակցության առաջնորդի խոսքով, շարժման անդամ են արդեն 500 հոգի:
Հիշեցնենք, որ հոկտեմբերի 10-ին թուրքական լրատվամիջոցները հայտնել էին, որ «Հզոր Թուրքիա» կուսակցության նախագահ Թունա Բեքլեւիչն իր համակիրների հետ, ի նշան հայ-թուրքական սահմանի փակ լինելու դեմ բողոքի, խախտել են սահմանը եւ մտել Հայաստան։ Այնուհետեւ, Հայաստանում Ռուսաստանի Անվտանգության դաշնային ծառայության սահմանապահ վարչության պետի տեղակալ, գնդապետ Անդրեյ Գուզեեւը հերքել էր թուրքական լրատվամիջոցների տարածած տեղեկությունը, թե մի քանի թուրք գործիչներ հատել են հայ-թուրքական սահմանը:
