Ավստրալիայում մի քան տասնյակ հազարավոր քաղաքացիներ դուրս են եկել փողոց մասնակցելու «Black Lives Matter» շարժմանը՝ կապված ԱՄՆ-ում աֆրոամերիկացի Ջորջ Ֆլոյդի սպանության հետ: Այս մասին տեղեկացնում է «ABC News»-ը: Բողոքի ակցիաները սկսվել են Սիդնեյում, Բրիսբեյում մի քանի այլ քաղաքներում:
Նշվում է, որ կազմակերպիչներն ու կամավորները մարդկանց բաժանել են դիմակներ և ախտահանիչ նյութեր:
Ավելի վաղ Նոր Հարավային Ուելս նահանգի ոստիկանությունը դիմել էր դատարան, որպեսզի արգելեն ակցիայի անցկացումը: Պատճառաբանությունն այն էր, որ կխախտվեն սանիտարական նորմերը: Դատարանը որոշել է արգելել ակցիայի անցկացումը: Այն բողոքարկվել է և հունիսի 6-ին նախատեսված ակցիան թույլատրվել է:
