Չինացի գիտնականները փորձարկել են կորոնավիրուսային վարակի դեմ պատվաստանյութի հինգ տարբեր նախատիպեր ավելի քանի 2,5 հազար կամավորների վրա, հաղորդել է ՌԻԱ Նովոստին հղում անելով Առողջապահության հարցերով պետական կոմիտեի ղեկավարի տեղակալ Ցզեն Իսինի խոսքերին։
«Ներկա պահին մենք ունենք մեկ ռեկոմբինանտ պատվաստանյութ ադենովիրուսային վեկտորի հիման վրա և չորս ինակտիվացված պատվաստանյութ, որոնք բոլորն արդեն հավանության են արժանացել»,- ասել է Ցզեն Իսինը։
Նա նշել է, որ պատվաստանյութի կլինիկական փորձարկումների երկրորդ փուլը պետք է ավարտվի արդեն հուլիսին։ Դրանում հիմա ավելի քան 2036 կամավոր է մասնակցում, էական կողմնակի ադեցություններ նրանց մոտ չի նկատվում։
Ավելի վաղ ՉԺՀ հիվանդությունների վերահսկման և կանխարգելման կենտրոնի տնօրեն Հաո Ֆուն հայտարարել էր, որ տեխնոլոգիական արտադրության նորմալ գրաֆիկի դեպքում պատվաստանյութը հնարավոր կլինի ստանալ արդեն 2020 թվականի տարեվերջին։
