G-20-ի էներգետիկայի նախարարները չեն կարողացել համաձայնության գալ նավթաարդյունահանման կրճատման կոնկրետ քայլերի շուրջ։ Այս մասին հաղորդում է Reuters-ը՝ հղում անելով աղբյուրին։
Նշվում է, որ նախարարների հանդիպման արդյունքների պաշտոնական հաղորդագրության մեջ բացակայում է նավթի կրճատման մասին «ուղիղ հիշատակումը»։ Այսպես, հաղորդագրության մեջ ասվում է միայն էներգետիկ շուկայի կայունության ապահովմանն ուղղված շտապ միջոցներ ձեռնարկելու անհրաժեշտության մասին։
Ավելի վաղ Կանադայի Բնական պաշարների նախարար Շեյմուս Օ’ռիգենը հայտարարել էր, որ Կանադան չի համաձայնել կոնկրետ միջոցներ ձեռնարկել նավթարդյունահանման կրճատման ուղղությամբ։
Շուկայում տատանումները սկսվեցին մարտի 6-ին, երբ ՆԱԵԿ-ի նիստի մասնակիցները չկարողացան ընդհանուր հայտարարի գալ։ Գործարքի ձախողումից հետո նավթի գները 30%-ով նվազեցին։