Ավստրիայի իշխանությունները բժշկական հաստատություններում 12 հազար մահճակալ են ավելացրել՝ նախատեսված կորոնավիրուսով հիվանդների համար, տեղեկացնում է «Deutsche Welle»-ն:
Երկրի առողջապահության նախարար Ռուդոլֆ Անշոբերը նշել է, որ այդ ցուցանիշը կարող է մոտ ապագայում հասնել 20 հազարի: Նա տեղեկացրել է, որ ներկայում բուժհաստատություններում կան ազատ տեղեր, այդ թվում՝ ինտենսիվ թերապիայի բաժանմունքներում:
Ավստրիայում կորոնավիրուսով վարակվածների թիվը կազմում է 6000, նրանցից 550-ի դեպքում անհրաժեշտություն է եղել բուժհաստատություններում կազմակերպել բուժում, 100 հոգին ինտենսիվ թերապիայի բաժնում է եղել: Մահերի թիվը կազմում է 42: