Իրանում մեկ օրվա ընթացքում արդեն երկրորդ անգամ գրանցված երկրաշարժը կրկին զգացել են նաև Հայաստանում։ Ինչպես հաղորդում է Միջերկրածովյան սեյսմոլոգիական կենտրոնի կայքը, փետրվարի 23-ին, տեղական ժամանակով 19։30-ին (Երևանի ժամանակով ժամը` 20։00-ին) գրանցվել է հյուսիսային լայնության 38.140 և արևելյան երկայնության 44.480 աշխարհագրական կոորդինատներով Իրանում՝ Սալմաս քաղաքից 34 կմ հյուսիս-արևմուտք, օջախի 10 կմ խորությամբ, 5.8 մագնիտուդով երկրաշարժ:
Էպիկենտրոնային գոտում ստորգետնյա ցնցման ուժգնությունը կազմել է 8 բալ:
Երկրաշարժը զգացվել է Երևանում, Հայաստանի այլ բնակավայրերում:
Փետրվարի 23-ի առավոտյան ևս Սալմասում ութ բալ ուժգնությամբ երկրաշարժ էր գրանցվել։ Զոհեր և վիրավորներ էին գրանցվել ինչպես Իրանում, այնպես էլ Թուրքիայի սահմանակից բնակավայրերում։
