Թուրք զինվորականները առաջին Bayraktar անօդաչու են ուղարկել են Կիպրոսի հյուսիսային հատված: Սարքն արդեն ժամանել է մշտական տեղակայման վայր, հաղորդում է Anadol-ն:
«Անօդաչու թռչող սարքը թռիչքը մեկնարկել է դեկտեմբերի 16-ին, տեղական ժամանակով 05:00-ին, Թուրքիայի հարավ-արևմուտքում գտնվող ռազմածովային ուժերի Դալաման բազայից և հինգ ժամ տևած թռիչքից հետո վայրէջք է կատարել «Հյուսիսային Կիպրոսի Թուրքական Հանրապետության» Գեչիթքալե օդանավակայանում»,- ասվում է հաղորդագրությունում:
Նշվում է, որ անցած ուրբաթ Հյուսիսային Կիպրոսի իշխանությունները Անկարայի պահանջով որոշում են կայացրել բացել Գեչիթքալեի օդանավակայանը անօդաչու թռչող սարքերի ներգրավմամբ գործողությունների համար:
Հայտնի է, որ 1974 թ.-ից Կիպրոսը դե-ֆակտո բաժանված է հունական և թուրքական համայնքների միջև: 1983 թ.-ին կղզու հյուսիսում հռչակվել է «Հյուսիսային Կիպրոսի Թուրքական Հանրապետությունը», որը չի ճանաչվել միջազգային հանրության կողմից: Հունական և թուրքական համայնքների միջև Կիպրոսի վերամիավորման մասին բանակցություններն անցկացվում են ՄԱԿ-ի միջնորդությամբ: