Բոլիվիայի նախկին նախագահ Էվո Մորալեսի դուստրը՝ Էվալիս Մորալես Ալվարադոն, չի ընդունել Մեքսիկայում ապաստանի առաջարկը: Այս մասին հաղորդել է Բիլիվիայի արտգործնախարար Կարեն Լոնգարիկը:
«Դա նրա ինքնուրույն, սեփական որոշումն է: Թերևս նա իր պատճառներն ունի»,- ասել է նա:
Հիշեցնենք, որ մինչ այդ Բոլիվիայի ԱԳՆ-ը Մորալեսի 24-ամյա դստերը, որը պատսպարվում էր Լա-Պասեում Մեքսիկայի դեսպանատանը, թույլատրել էր անվտանգ դուրս գալ երկրից:
Նոյեմբերի 10-ին Մորալեսը թողեց նախագահի պաշտոնը և լքեց Բոլիվիան: Նրան քաղաքական ապաստան տրամադրեցին Մեքսիկայում:
