Գումարի պարտքի պատճառով Սարատովում 18-ամյա աղջկա սպանության մեջ կասկածվողը դանակի 134 հարված է հասցրել նրան, գրում է «Վերսիա-Սարատով» լրատվական գործակալությունը:
Սեպտեմբերի 20-ին Սարատովի բնակարաններից մեկում հայտնաբերվել էր երիտասարդ աղջկա դի՝ կտրած-ծակած բազմաթիվ վերքերով: Ըստ նախնական վարկածի, մարդասպանը աղջկա մանկության ընկերն էր, որին նա երկու հազար ռուբլի էր պարտք: Երիտասարդը ապրում էր հարևան մուտքում և, ըստ լրատվամիջոցների տեղեկությունների, զոհի հետ ավելի սերտ հարաբերությունների էր հավակնում:
Դիակի հայտնաբերումից հետո իրավապահները սկսել են շրջել բնակարաններով և դրանցից մեկի աստիճանահարթակին խիստ արյունոտված երիտասարդի են հայտնաբերել:
Կասկածյալը Սարատովի պետական իրավաբանական ակադեմիայի ուսանող է, նա արդեն կալանավորված է քննիչների կողմից:
Սպանության փաստի առթիվ հարուցվել է քրեական գործ: Արտակարգ իրավիճակների մանրամասները պարզվում են: