Ռոսատոմի 5 մասնագետ և երկու ռուս զինծառայող Արխանգելսկի մերձակայքում՝ ռազմածովային ճակատի հրաձգարանում կարող են զոհված լինել ռուսական նոր թևավոր հրթիռի անհաջող փորձարկման հետևանքով՝ «Բուրեվեստնիկ» միջուկային շարժիչով, երբ փորձել են Սպիտակ ծովի հատակից վեր բարձրացնել նույնպիսի հրթիռ, որն այնտեղ է հայտնվել մեկ այլ անհաջող արձակման պատճառով։
ԶԼՄ-ները ներկայացրել են լողացող հարթակների լուսանկարները, որոնք վնասվել են օգոստոսի 8-ին, միջուկային միջադեպի հետևանքով։ Մեկ շաբաթ անց ներկայացվել է հարթակներում տարաների լուսանկարները։ Դրանք օգտագործում են միջուկային թափոնների տեղափոխման համար։
Լրագրողները դեպքի վայրում նույնականացրել են նավը, որը ծովի հատակից ջրասույզ եղած տեխնիկան վեր բարձրացնելու համար է նախատեսված։ Պարզվել է, որ նավը առնվազն մեկ անգամ հայտնվել է Դվինյան խորշում՝ 2018-ի հոկտեմբերին, հերթական փորձարկումներից 5 օր անց։
