ԱՄՆ նախագահ Դոնալդ Թրամփը տեխնոլոգիական ընկերություններին, մասնավորապես՝ Facebook-ին և Google-ին, մեղադրել է իր հանդեպ խտրականության մեջ:
CNBC-ի հետ զրույցում Թրամփը օրինակ է բերել Facebook-ի և Apple-ի դեմ հայցերն ու ենթադրել, որ Եվրամիությունն այդ մարտավարությունն օգտագործում է ֆինանսական շահ ստանալու համար:
«Կարող եմ ձեզ ասել, որ նրանք խտրականություն են դրսևորում իմ հանդեպ»,- ասել է Թրամփը՝ խոսելով Google, Facebook և Amazon ընկերությունների մասին:
«Մարդիկ խոսում են դավադրության մասին: Իրական դավադրությունն այդ ընկերությունների և դեմոկրատների մեջ է, երբ նրանք իմ դեմ էին ընտրությունների ժամանակ: Իսկ ԵՄ-ում կարծում են, թե մոնոպոլիա կա, սակայն ես վստահ չեմ, որ նրանք իսկապես այդպես են մտածում, նրանք պարզապես կարծում են, որ դրանք հեշտ փողեր են»,- հավելել է նա:
