Անդրադառնալով արտագաղթի պաշտոնական տվյալներին՝ «Առավոտ»-ի խմբագիրը գրում է. «Իհարկե, իշխանությունները կարող են ասել, որ դրանք արտագաղթի թվեր չեն, որ արտագաղթ կար նաև անցյալում, կամ որ այդ ամենի համար կան օբյեկտիվ պատճառներ»,-և հավելում է. «Բայց այդ ամենը հռետորաբանություն է: Պատկերացրեք, որ ամեն տարի Հայաստանը լքի 120 հազար մարդ: Եթե նույնիսկ մենք չունենայինք մեր երկրի նկատմամբ թշնամական վերաբերմունք ունեցող հարևաններ, միևնույն է՝ այս միտումը պահպանվելու դեպքում աոաջ կգա պետության գոյության խնդիրը: Ե՞րբ՝ թող մասնագետները ասեն, հաստատ կան հստակ չափորոշիչներ: Դա ո՛չ ընդդիմադիր քարոզչություն է, ո՛չ էլ «տագնապալի տրամադրություններ» ստեղծելու ձգտում: Սա գիտություն է, գիտական անհերքելի փաստ»:
