«Նիմֆոմանուհի» ֆիլմի ստեղծողները՝ ռեժիսոր Լարս Ֆոն Թրիերն ու դերասան Շայա Լաբեֆը, որոնք ժամանել էին Բեռլին՝ մասնակցելու կինոփառատոնին, հենց առաջին օրն սկսեցին էպատաժի ենթարկել հանդիսատեսին՝ գրում է Lenta.ru-ն:
Ռեժիսորը հանրության առաջ ներկայացել է «Պերսոնա նոն գրատա Կաննի փառատոնին. ժյուրիի պաշտոնական ընտրություն» գրությամբ մարզաշապիկով և հրաժարվել է լրագրողների հետ շփումներից: Այդ կերպ նա հիշել է 2011թ. սկանդալը, երբ Կաննում կատակել էր Ադոլֆ Հիտլերի հանդեպ իր համակրանքի թեմայով ու համարվել էր փառատոնի «պերսոնա նոն գրատա»:
Իսկ ահա դերասան Շայա Լաբեֆը կարմիր գորգին հայտնվեց գլխին թղթե տոպրակ հագցրած, որի վրա կային միայն աչքերի համար նախատեսված անցքեր: Տոպրակի վրա գրված էր «Ես այլևս հայտնի չեմ»՚ Հունվարին նա հայտարարեցմ որ հրաժարվում է հրապարակային կյանքից:
Մասնակցելով մամլո ասուլիսին՝ դերասանը ցուցադրաբար ծամոն էր ծամում ու պատասխանել է միայն մեկ հարցի՝ ինչպես է նա նկարահանվել ֆիլմի սեքսուալ տեսարաններում:
