22-ամյա ֆրանսուհին իրավունք է ստացել ամուսնանալու երկու տարի առաջ մահացած իր փեսացուի հետ: Ֆրանսուհին նամակ էր գրել Ֆրանսիայի նախագահ Նիկոլա Սարկոզիին, որում խնդրում էր թույլատրել ամուսնությունը: Իշխանություններն ընդառաջել են նրան, քանի որ նա ապացուցել է, որ ինքն ու իր փեսացուն ծրագրել էին ամուսնանալ:
Երիտասարդները հանդիպել էին 2007 թ., երկու տարի անց նրանք որդի էին ունեցել: Սակայն 2009 թ. երիտասարդ ամուսինը մահացել էր ավտովթարի հետևանքով: Այս մասին գրում է The Daily Mail-ը: Ստանալով նախագահի թույլտվությունը՝ ֆրանսուհին իսկական հարսանյաց հանդես է կազմակերպել՝ ընտանիքի անդամների և ընկերների մասնակցությամբ:
«Նա իմ առաջին տղամարդն էր, և մենք հանդիպում էինք 4 տարի շարունակ: Մտածում էինք, որ միասին ենք մեծացնելու մեր որդուն: Ես երբեք չէի ուզում դա միայնակ անել, սակայն ճակատագիրն այլ բան էր նախատեսել: Ես նրա կինն եմ և միշտ կսիրեմ նրան»,- ասել է ֆրանսուհին:
Իրավունքի մասնագետներն ասում են, որ նա հիմա ստիպված կլինի ամուսնալուծություն ստանալ, եթե ցանկանա նորից ամուսնանալ: Սակայն սա առաջին դեպքը չէ, որ Ֆրանսիայում ամուսնանում են հանգուցյալի հետ: Նմանատիպ ամուսնություն եղել է նաև 2004 թ.: