Այսօր՝ նոյեմբերի 1-ին, ԱԺ-ում հրավիրվել է արտահերթ նիստ. «Ելք» խմբակցությունը վարչապետի պաշտոնում առաջադրել է Նիկոլ Փաշինյանի թեկնածությունը:
«Երկրորդ անգամ մենք վարչապետի ընտրություններ ենք անցկացնում ոչ թե վարչապետ ընտրելու, այլ վարչապետ չընտրելու համար»,- նշեց Նիկոլ Փաշինյանը՝ իր ելույթը նվիրելով տնտեսական վիճակին:
Փաշինյանը իր ելույթում անդրադարձավ հարկային քաղաքականությանը և ասաց. «Կառավարությունը կարող է որոշել, որ թոշակները 100 տոկոսով բարձրացնում է: Իսկ ո՞վ է վճարելու այդ թոշակը՝ թոշակը վճարելու են հարկատուները»:
Նրա խոսքով՝ կառավարության խնդիրն է ստեղծել այնպիսի միջավայր, որ այդ հարկատուները հնարավորինս շատ եկամուտ ստանան՝ հնարավորինս շատ հարկ վճարելու հեռանկարով. «Մենք դա անում ենք, բայց հարցը հետևյալն է՝ հարկատուն պատրա՞ստ է հնարավորինս շատ եկամուտ ստանալու միջավայրում հնարավորինս շատ հարկ վճարելու պայմանին. «Եթե պատրաստ է, ուրեմն մենք շրջադարձային կերպով փոխում ենք մեր երկրի ճակատագիրը, եթե պատրաստ չէ, նշանակում է՝ մենք քաղաքական բարիկադները ապամոնտաժելու պրոցեսից հետո պետք է սկսենք տնտեսական բարիկադների կառուցումը, ինչը օգուտ չէ ոչ մեկին»:
Մանրամասները՝ տեսանյութում:
