Իսպանացի նկարիչը որոշել է իր մերձավորների դիմանկարներն ասեղնագործել ափերի մեջ:
21-ամյա Դևիդ Կատան իր մարմինը որպես կտավ է օգտագործում: Յուրաքանչյուր դիմանկար ասեղնագործելու համար նկարչից չորս ժամ է պահանջվում, որից հետո երիտասարդը թելերն ինքն է հանում ձեռքերի վրայից, սակայն արյուն ափերին գրեթե չի երևում:
Դևիդն ասում է, որ դիմանկարները ստեղծելիս ինքը ցավ չի զգում, քանի որ աշխատում է մաշկի վերին շերտի հետ: Սակայն ցավն առաջանում է թելերը հեռացնելուց հետո: «Մեզ հանդիպած յուրաքանչյուր ոք յուրովի ազդում է մեր կյանքի վրա,- Mail Online-ին ասել է նկարիչը,- Իմ ծրագրով ուզում եմ բոլորին ասել, որ մարդը չպետք է մոռանա նրանց, ովքեր օգնել են իրեն ինքնահաստատվել կյանքում՝ ընտանիքը, ընկերները, զուգընկերները, ուսուցիչները:
Յուրաքանչյուր դիմանկարի ստեղծման համար նկարիչը տարբեր գույնի թելեր է ընտրում, ինչն էլ երաշխավորում է կոնկրետ մարդու դիմագծերի ճշգրտությունը:
